हाय

काल अप्सराने स्वतःहून ‘हाय हेमंत’ म्हटले. किती आनंद झाला म्हणून सांगू! पण मी गाढवासारखा घाई घाईत ‘हाय’ म्हणून सटकलो. काय यार, त्याच ‘हाय’ चाच विचार करत होतो. म्हणजे आपण एखाद्या गोष्टीचा विचार करावा. आणि तीच गोष्ट आपल्या पुढ्यात यावी, तस झाल अगदी. दिवस खूप छान गेला. आणि संध्याकाळी घरी गेल्यावर आईने ‘मुलीचे काका आयसीयु आहेत. म्हणून मग जायचे रद्द झाले आहे’. देव पण ना! किती मनातल्या इच्छा पूर्ण करत आहे. खरंच आजकाल मी स्वप्नात आहे की सत्यात तेच कळत नाही आहे. सगळ अगदी मनाप्रमाणे घडते आहे.

त्यात हा पाऊस! आहाहा! किती छान वातावरण असते. ते पावसाचे थेंब! आणि कंपनीच्या इमारतीच्या बाजूला असलेली हिरवीगार डोंगररांग. असले सुंदर वातावरण असते ना! त्यात अप्सरा माझ्याशी काल स्वतःहून केलेले ‘हाय’. आता ना काहीच सुचत नाही आहे. काल देखील ती इतकी सुंदर दिसत होती. मुळात मी अपेक्षा केलेल्या स्वप्नसुंदरीपेक्षा हजार पटीने ती ‘अप्सरा’ सुंदर आहे. आणि तितकीच प्रेमळ. आणि तिचा तो गोड आवाज. कानात मध टाकल्याप्रमाणे!!! पण पुन्हा काल रात्री त्या स्थळाचा वडिलांना फोन आला होता. त्यामुळे आज जायचे ठरलेले आहे. मला ना, आता ‘स्थळ’ म्हणजेच ‘खलनायक’ वाटत आहे.

ती आधी का नाही भेटली? काल घरी जातांना बस अख्खी भरलेली. मला बसायलाही जागा मिळाली नाही. मी दरवाज्याच्या सुरवातीला उभा. आणि एक मुलगी माझ्याकडे पाठ करून उभी. साधी हलायला सुद्धा जागा नव्हती. कारण बसमधील उभी असलेली ‘बुजगावणी’ जागची हलत नव्हती. त्या बसच्या ब्रेकने, आणि रस्त्यातील खड्ड्याने तीचा स्पर्श होत होता. पण तसे झाले की माझे मलाच खजील व्हायचे. तिचीही काही चूक नव्हती. मुळात जागा खूप कमी होती. आपण अप्सरा सोबत ‘गद्दारी’ करतो अस सारख वाटत होत. ती ज्यावेळी माझी होईल त्यावेळी, नक्की या गोष्टीची माफी मागेल. काल मित्रांशी बोलतांना ते मला ‘नाही भेटली तर’ अस म्हणत होते. खरंच कधी कधी वाटत अस! मला म्हणत होते. नंतर पस्तावायची वेळ यायला नको. आत्ता स्थळ नाकारतो आहे.

पण खर सांगू का, मी आता काय करतो आहे. आणि जे काही घडते आहे. यात काय बरोबर आणि काय चूक हे समजतच नाही आहे. फक्त ‘अप्सरा’. बाकी काहीच सुचत नाही आहे. मित्रांशी बोलतांना, त्यांच्यासोबत जेवतांना, रात्री घरी सगळीकडेच ती माझ्यासोबत आहे असेच वाटते. तिचा चेहरा आठवला की, माझा चेहरा खुलतो. मग समोर कोण आहे. किंवा मी काय करतो हे सुद्धा समजत नाही. पण जरी उद्या जावून तिचा नकार असेल आणि आता जे करतो आहे. याचा परिणाम भविष्यकाळात असेल तरीही मला चालेल. इतक्या ‘सुंदर’ स्वप्नासाठी ती खूपच छोटी किंमत असेल. आयुष्यात पहिल्यांदा मी माझा स्वतःचा निर्णय घेतला आहे. काय होईल हे पुढचे पुढे. सोडा, यार हे मित्र ना! जावू द्या तो विषय. आज मी तिला एक इमेल केला आहे. पहिल्यांदा वाटले की, तिला विचारावे मग पाठवावा मेल. पण राहावालच नाही. मेल साधाच आहे. पण बघुयात, तिला आवडला तर बरे होईल.

10 thoughts on “हाय

  1. पुण्यातल्या अप्सरा टॉकीजला कोणता चित्रपट आहे पहायला हवे… कित्येक दिवसात वृत्तपत्रच पाहिले नाही आम्ही…
    बऱ्याच वेळा काहितरी खत्रुडच सिनेमे असतात तिथे पण तरीही कौल काय आहे पहायला हवा…
    कारण “अप्सरा” हे विशेषण फार वापरता बुवा आपण…
    सांगतो काही कळंल तर… तोपर्यंत लगे रहो।

  2. नचिकेत बरोबर बोलतोय हेमंता प्रपोज करायची एवढी घाई कशाला? ओळख होवून्द्या ..ह्या हुरहुरणाऱ्या क्षणात आत्ता जेवढी मजा आहे तेवढी नंतर नाही…त्यामुळे थोडी काळ सोसा…:)

  3. He sagle mitra khara tech sangtayat. Ghai ajibat naka karu Hemant rao. Attashi tujhi gadi Hi mhanun palun janya paryantach pochali aahe. Ajun barach kaal aahe propose marayla. Tujhya mitranna mhanava ki, “majhya manat tichya baddal aahe, mi suddha tasa swabhavane, savayinne ani manane bara aahe. Mag mala hech kalat nahi ki amhi dogha ekatra ka nahi asu shakat. Atta tar mala tasa vichar hi karaycha nahiye. Navhe mala mahitiye amhi ekatra yenarach.”

    Ani thoda vel lagnar pan leka tichyashi manasokta bol. Tine hi kela tar tu hello kar ani general 1-2 vakya marat ja. Jasa ajun 1 mahina bhar “Aaj navin week suru mag (Monday lach phakta)”, “Weahter kasla jhakas aahe aaj”, “tujha kaay project chalu aahe saddhya”, “mag to kalcha code jamat navhata to jamla ka (tasa tine adhi sangitla asla tarach)?” vagaire time pass gappa marun touch madhe raha. Mag ajun 2 mahinyanni “mi kaal he amuk amuk kaam karat hoto, jamat navhata, thodi help havi hoti”, “tula computer games madhe interest aahe ka? hi amuk amuk game lai bhari aahe (tula mahit asel tarach)”, “to amka amka picture pahilas ka?”. Mag 3-4 mahinyanni “dress chhan aahe tujha aajcha”, “tu bus ne yetes ki gadi var, kiti lamb rahate?”, “majha flat ata tayar hoil kahi divasat (tu mage flat ghetlas majhya mate). Masta aahe”, “chal aaj kuthlyasha (changlya, shakyato marathmolya) hotelat yetes ka”. Mag 5 mahinyanni “tu aaj chhan distes”, “kaal ek sthal ala hota, pan mala koni avadatach nahi. Mi tasa khup kami bolto mulinshi, ani jar majhi wavelength julat nasel ekhadya mulishi tar mi tichyashi kadhi boluch shakat nahi”. 5.5 mahinyanni “mala tu khup chhan vatates. Avadtes. Tulahi mi avadayla pahije asa nahi. Pan mi he sangitlya mule aplya madhe bolna kami hou deu nakos. Sagla ignore karun tak tula kahi vatat nasel tasa tar”. Ithe thoda tricky asta. Jar tila tu avadtos ka nahi he kalna avaghad aahe. Pan jar ti tula “malahi tu avadtos” asa mhanali nahi tar dusrya diwashi aplyala bolayla suruvat karun 4 mahine jhale aahet ani varil dialogues parat mar. Ti jar “avadtos” mhanali tar marun tak lagech propose.

    Ata he ekdum generalized lihila aahe mi. Tu tujhya situation pramane badal karun vaag. amhi tula kahi sangaychi garaj hi nahi lagnar tula ajun 2 mahinyanni. Ani movies madhale formulae vaparu nakos. Tula je logically barobar vatata te kar. Tu tu aahes, SRK nahis. Tyache formulae tula chalnar nahi. Ani madhyam vargiya marathi manasa sathi te formulae kaam karat nahit. Tar mag all the best mitra.

    Yashaswi bhava.

तुमचा अभिप्राय नोंदवा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल )

Twitter picture

You are commenting using your Twitter account. Log Out / बदल )

Facebook photo

You are commenting using your Facebook account. Log Out / बदल )

Google+ photo

You are commenting using your Google+ account. Log Out / बदल )

Connecting to %s